રેશ્મા સાદીદભાઈ શેખ (ઉં.વ.23)એ ગઈકાલે રાત્રે 11 વાગ્યા આસપાસ ભગવતીપરા સદગુરુ પાર્કમાં પોતાના પિતાના ઘરે ચુંદડી વડે ગળેફાંસો ખાવાની કોશિશ કરી હતી. બનાવ અંગે પિતા હબીબભાઈને જાણ થઈ જતા તેમણે તાત્કાલિક પોલીસને જાણ કરી હતી. જેથી બી ડિવિઝન પોલીસની ટીમ તાત્કાલિક સ્થળ પર પહોંચી દરવાજો તોડી નાંખ્યો રેશ્માને ગળાફાંસો ખાતા અટકાવી હતી. ચૂંદડી બાંધી હોવાથી તેનું દબાણ ગળા પર પડ્યું હોવાથી રેશ્માને સારવાર માટે પોલીસે 108 મારફત સિવિલ હોસ્પિટલ ખસેડી હતી. બનાવ અંગે રેશ્માના પરિવારે જણાવ્યા મુજબ, 4 વર્ષ પહેલા પોપટપરામાં રહેતા સાજીદ શેખ સાથે રેશ્માના લગ્ન થયા હતા. લગ્ન જીવન દરમિયાન પતિ ત્રાસ આપતો હોવાથી રેશ્મા છેલ્લા 3 વર્ષથી રિસામણે છે જેનો કોર્ટ કેસ પણ ચાલુ છે. પોલીસે આ મામલે નિવેદન નોંધી વધુ તપાસ હાથ ધરી છે.